Di Discjamâ
La version pdf dal Grant Dizionar Bilengâl
Il progjet dal GDBTF, pe sô complessitât e pes pussibilitâts di ricercje che al permet, al è nassût prime di dut in rapuart ae aplicazion des gnovis tecnologjiis ae lenghe furlane. Di là di chest, de grande base di dâts che aromai e je stade dade dongje, si pues otignî e ordenâ dutis lis informazions par rivâ ancje a une publicazion di cjarte, cemût che e dimostre cheste prime impagjinazion in formât pdf. I documents che us presentìn a àn ancjemò di passâ par cualchi verifiche e revision, ma a dan za une idee de cuantitât di lavôr fat fin cumò e de forme che e podarà vê la version di cjarte dal Grant Dizionari Bilengâl Talian-Furlan.
Grant Dizionari Bilengâl Talian Furlan version Ling. Bg – Inf. 2.2
Il CFL2000 al à prontât la version Ling. Bg – Inf. 2.2 di inzornament, sei linguistic che informatic, dal Grant Dizionari Bilengâl Talian Furlan.
La version Ling. Bg – Inf. 2.2 dal GDB TF
Plugin par Firefox e Internet Explorer 7/8
I plugin di ricercje a permetin di fâ une ricercje tal Cidivoc (par Talian o par Furlan) in mût svelt doprant la bare di ricercje dal browser (chê che si cjate in alt a drete).
- Plugin Cidivoc Talian
- Plugin Cidivoc Furlan
Tastiere Furlane Semplice
Al è disponibil il program par Windows (95/98/NT/XP/Vista) par scrivi in maniere semplice, svelte e cence intrics di sorte lis letaris furlanis (â, Ê, Ç e v.i.) che no si cjatin te tastiere taliane.
E je une publicazion editade dal CFL2000 tal 2008 e metude dongje di Sandri Carrozzo intant che si davuelzeve la preparazion de prime part dal Grant Dizionari Bilengâl Talian-Furlan. Chest lavôr al codifiche l’aspiet fonetic de lenghe comune metintlu in relazion ancje cui fenomens fonetics des variantis de lenghe furlane.
E je une opare che e jude a capî lis resons des sieltis fonetichis dal lessic dal GDBTF e tal stes timp e complete la part teoriche dal dizionari stes.
Dopo de presentazion dai aspiets gjenerâi de fonetiche si passe a la aplicazion di chescj tal câs de lenghe furlane, cun esercitazions par cui che al vûl aplicâ la part teoriche a chê pratiche.
